خونچهی سیس
دیتم لهناو دار و دهوهن
له سهر چڵی سووره گوڵێک
ههڵکورمابوو، دهیکرد شیوهن
بهری بهیانی بولبولێک
گوتم ئهی مهلی دڵسووتاو
چییه ، بۆ دهناڵی به تاو؟
که ناڵینت بۆ ئهوهیه
گوڵت وا زوو ههڵوریوه
ئهو ناڵینه بێ فایدهیه
بۆچی نازانی، نهت دیوه؟
گوڵ ههفته ناباته سهرێ
سیس دهبێت و ههڵدهوهرێ
وهڵامی دامهوه بولبول
به شێنهیی، به کاوهخۆ
گوتی ناناڵێنم بۆ گوڵ
که سیس بووه، دهزانی بۆ؟
ئهو عومرێکی ڕابواردووه
پشکووتووه جا سیس بووه
ناڵینی من بۆ خونچهیه
بۆ خونچه پهشێوه حاڵم
ئهو داخه له دڵمدا ههیه
بۆیه ههمیشه دهناڵم
ئهو، پێش پشکووتن سیس بووه
به جوانهمهرگی مردووه
هیمن
دیتم لهناو دار و دهوهن
له سهر چڵی سووره گوڵێک
ههڵکورمابوو، دهیکرد شیوهن
بهری بهیانی بولبولێک
گوتم ئهی مهلی دڵسووتاو
چییه ، بۆ دهناڵی به تاو؟
که ناڵینت بۆ ئهوهیه
گوڵت وا زوو ههڵوریوه
ئهو ناڵینه بێ فایدهیه
بۆچی نازانی، نهت دیوه؟
گوڵ ههفته ناباته سهرێ
سیس دهبێت و ههڵدهوهرێ
وهڵامی دامهوه بولبول
به شێنهیی، به کاوهخۆ
گوتی ناناڵێنم بۆ گوڵ
که سیس بووه، دهزانی بۆ؟
ئهو عومرێکی ڕابواردووه
پشکووتووه جا سیس بووه
ناڵینی من بۆ خونچهیه
بۆ خونچه پهشێوه حاڵم
ئهو داخه له دڵمدا ههیه
بۆیه ههمیشه دهناڵم
ئهو، پێش پشکووتن سیس بووه
به جوانهمهرگی مردووه
هیمن