هۆنراوه‌ی کوردی

 
مانگه‌ شه‌و

 

به‌ڵێنی ڕاگه‌یاندێ ڕاسپارده‌

گوتی : بۆت دێته‌ بن ئه‌و پارده‌، غارده‌

 

له‌ جێ ژوانێ له‌مێژه‌ چاوه‌ڕێتم،

نه‌هاتی ، کیژی جوانی هه‌ڵبژارده‌ !

 

ته‌زووی گه‌رمم به‌ له‌ش دا دێ، ئه‌گه‌رچی

ته‌زاندی شان و پیلم به‌ردی پارده‌

 

وه‌ره‌ با ڕه‌نگ و ڕوخسارت ببینم

به‌من چی تیشکێ داوێ مانگی چارده‌

 

گڕی ئه‌و ڕوومه‌ته‌ی تۆ گه‌رم و جوانه‌

تریفه‌ی مانگه‌شه‌و، جوانیش بێ، سارده‌




Leave a Reply.

    هۆنیار

    هۆنیاری گه‌وره‌ی کورد
    مامۆستا هێمنی موکریانی

    Categories

    All

    RSS Feed