هۆنراوه‌ی کوردی

 
بۆسه‌ی ڕۆژگار

 

نیمه‌ ئاواڵێ له‌ گۆشه‌ی بێکه‌سی دا خه‌م نه‌بێ

چاکه‌ ئه‌و لێره‌ش وه‌فای هه‌ر ماوه‌، سایه‌ی که‌م نه‌بێ

 

لاپه‌ڕه‌ی ژینم هه‌موو هه‌ڵده‌یته‌وه‌ تێیدا نییه‌

باسی فرمێسک و هه‌ناسه‌ وشیوه‌ن و ماته‌م نه‌بێ

 

ڕۆژگاری سپڵه‌ بۆ من بۆسه‌یه‌کی نایه‌وه‌

نه‌مدی هه‌ر تیرێکی ده‌یهاوێ، به‌ره‌و سینه‌م نه‌بێ

 

ڕه‌نجی دووری دلبه‌رم بۆ کوشتنی من کافی یه‌

گه‌ر له‌ دنیادا ئه‌من هیچ مه‌ینه‌تێکی دیکه‌م نه‌بێ

 

کوا ده‌زانێ چه‌ند په‌رێشان و په‌شێوه‌ حاڵی من ؟

ئه‌و که‌سه‌ی گیرۆده‌یی ئه‌گریجه‌ و په‌رچه‌م نه‌بێ

 

ڕه‌مزی دڵداری له‌ زینێ فێر نه‌بوو یارم ده‌نا

کوا ئه‌وینداری وه‌فاداری وه‌کو من، مه‌م نه‌بێ ؟

 

کیژی شاریمان له‌خۆی وه‌رگرتووه‌ چارشێوی ڕه‌ش

داخه‌که‌م نه‌مدی له‌وێ مانگێکی ده‌وره‌ی ته‌م نه‌بێ

 

شادی جارێکی به‌ میوانی نه‌هاتۆته‌ دڵم

ڕه‌نگه‌ خه‌ڵوه‌تخانه‌یی خه‌م شوێنی نامه‌حره‌م نه‌بێ

 

خۆم ده‌سووتێنم هه‌تا به‌زمی خه‌ڵک ڕۆشن بکه‌م

کێ له‌ ڕێی خه‌ڵکا وه‌کوو شاعیر ده‌سووتێ، شه‌م نه‌بێ

1338

 

هیمن

12/19/2010 05:02:07 pm

Liberal schools want teenagers to have a happy childhood and not to study every day.

Reply



Leave a Reply.

    هۆنیار

    هۆنیاری گه‌وره‌ی کورد
    مامۆستا هێمنی موکریانی

    Categories

    All

    RSS Feed