تاوانی بێ هێزی
له کۆ ئهسرین دهبارێنم لهبۆ کوردی پهراکهنده
له گهرمێن غهرقی ئارهق بووم و چاوم ههر له سامڕهنده
منی زنجیر پسێن لێره ئهسیری بسکی جوانێکم
زهمانه گهرچی ئاڵۆز و پهشێوه، « کهڵ به موو بهنده »
گوتی : « ئێواره بازاڕێ وهره ماچت دهمێ»، نهمویست
ههڵۆی کوێستانی کوردستانم و ناژیم به دهستهنده
دڵم سهد هێندی دیکانه به ناز بشکێنی ، دهنگ ناکهم
چ سوودێکی ههیه ، کێ یه بپرسێ داد و گازنده !؟
جیهان و ههرچی خێر و خۆشی یه بۆ ههڵبژاردانه
به قانوونی تهبیعهت پاشهرۆکخۆره ئهوی گهنده
ئهگهر تاوانی بێ هێزی نی یه بۆچی له دنیا دا
بهشی من ماتهم و شینه، بهشی خهڵکی زهماوهنده ؟
به مردووییش نیشانهی گولـلهیه ئهو کهلـله پڕ شۆره
ئهوێستاش دهرسی سهربازی دهڵێ ئهو شاعیره ڕهنده
سهری تهعزیم لهبهر تۆ دانهواندن فهخره بۆ« هێمن»
بژی «حاجی» که کێوی هیمهتت سهد هێندی ئهلوهنده
هیمن
له کۆ ئهسرین دهبارێنم لهبۆ کوردی پهراکهنده
له گهرمێن غهرقی ئارهق بووم و چاوم ههر له سامڕهنده
منی زنجیر پسێن لێره ئهسیری بسکی جوانێکم
زهمانه گهرچی ئاڵۆز و پهشێوه، « کهڵ به موو بهنده »
گوتی : « ئێواره بازاڕێ وهره ماچت دهمێ»، نهمویست
ههڵۆی کوێستانی کوردستانم و ناژیم به دهستهنده
دڵم سهد هێندی دیکانه به ناز بشکێنی ، دهنگ ناکهم
چ سوودێکی ههیه ، کێ یه بپرسێ داد و گازنده !؟
جیهان و ههرچی خێر و خۆشی یه بۆ ههڵبژاردانه
به قانوونی تهبیعهت پاشهرۆکخۆره ئهوی گهنده
ئهگهر تاوانی بێ هێزی نی یه بۆچی له دنیا دا
بهشی من ماتهم و شینه، بهشی خهڵکی زهماوهنده ؟
به مردووییش نیشانهی گولـلهیه ئهو کهلـله پڕ شۆره
ئهوێستاش دهرسی سهربازی دهڵێ ئهو شاعیره ڕهنده
سهری تهعزیم لهبهر تۆ دانهواندن فهخره بۆ« هێمن»
بژی «حاجی» که کێوی هیمهتت سهد هێندی ئهلوهنده
هیمن